اعطال محيرة فى التركيبات

بسم الله
اولا انا بقالى كتير ما دخلتش المنتدى وحبيت انى ارجع بموضوع يكون كويس وعلى قد ما ربنا هيقدرنى وعشان اكون عند حسن ظن المنتدى بيا
العطل الاول بعد تركيب الطبق وضبط اشارتة تنزل تحت تلاقى الرسيفر بيدى قوة ومش بيدى اشارة اقصد بيدى قوة بمعنى ان السلك واصل ومافيش اشارة او يشغل كام قناة فقط ولا يشغل الباقى اساسا
كتير مننا هيقول العيب فى السلك
بس هو العيب مش من السلك العيب بيكون فىلا الفنى لية؟ لان الفنى ساب سلك كتير اوى ملفوف على السطح يعنى ساب بقية اللفة كلها على السطح ونزل تحت وركب
الحل انك تركب الاول السلك وترمى الباقى تخلية تحت مش فوق

العطل التانى كثيرا منا بيحتاج انة بيبقى عايز يعمل لحام فى السلك خصوصا لو كانت اللفة مش هتقدى او انة وجد تلف فى السلك عند دخولة من شباك وبعد ما يعمل اللحام يلاقى نص القنوات طايرة ويطر يغير السلك كلة
وفى طبعا زباين مش بتبقى قادرة على التكلفة دى كلها وكمان دة هيبخس من اجر الفنى
يعنى هيجى الزبون يلاقى نفسة دافع خمسين جنية وهو فى الاخر معتقد انك ماعملتش حاجة غير انك غيرت السلك
لا انت ممكن تاخد عشرين وتلحم السلك بس بس بحرفية ازاى؟
ان اللحام مايكنش بعيد عن الرسيفر كتير بحد اقصى 5 متر
ولو فى قطع فوق عند الطبق تعكس السلك يعنى اللحام يكون جنب الرسيفر ومتنساش الشيكرتون

العيب التالت
تلاقى اشارة ترددات القنوات التى تبدا ب 11 قوية جدا وباقى القنوات مش جاية
الحل هو انك توسطن الطبق بين اقمار النايل سات بمعنى انك تظبط على اكثر من تردد اولا تردد افقى واخر عمودى لتلافى اى عطل فى العدسة وثانيا تظبط على تردد يبدا10 واخر 11 واخر12 وعند مقاربة الاشارة على الثلاث ترددات تبقى انت كدةتمام



واراكم فى مشاركة اخرى

شكرا يامبدع نورة المنتدي يا غالي

مرورك اسعدنى يا كبير